JASMINE
ALAM niyang magagalit si Xander, ngunit pinapatawag siya ni Er at hindi niya ito dapat tanggihan. Sa mga ganun paraan lamang siya nakakabawi sa lahat ng nagawa nito sa kanilang dalawa ng anak. Kaya heto siya at patungo sa VIP room na kinaroroonan ng binata. Simpleng kahilingan lamang kumpara sa lahat ng binigay nitong tulong upang manatiling ligtas siya.
“Pumasok ka na Ma’am Jasmine, kanina ka pa hinihintay ni Boss Er.”
“Maraming salamat,” tipid niyang sagot sa bodyguard ni Er na nakabantay sa pintuan. Pagkatapos ay tumuloy na siya sa loob.
Hindi muna siya lumapit ng makitang naroon si DL at magkausap ang dalawa. Sumandal muna siya sa hindi kita ng mga ito at doon naghintay.
“So, tuloy na ang alis mo, Chief?”
“Yeah, lalo pa at pinayagan na ako ng presidente na umalis sa serbi
