Pigil-pigil ko ang aking pagngiti habang humahakbang ako pababa ng hagdan nang bigla akong matigilan nang matanaw ko sa ibaba ang isang magandang dalagita.
Nakatayo siya sa ibaba, naka-cross ang mga braso niya sa dibdib at nakataas ang isa niyang kilay habang nakatitig sa akin.
Bigla akong napalunok at kinabahan.
Malaki ang pagkakahawig nito kay Charles at sa mga kapatid niya kaya hindi malayong kapatid din nila ito. Nakasuot siya ng napaka-igsing blouse at halos makita ko na ang maputi niyang tiyan at pusod. Sobrang igsi din ng suot niyang maong na short at halos makita na ang kanyang singit.
Mukha siyang maldita kaya hindi ko maiwasang matakot.
"Charlotte!" biglang sumigaw ang isa sa mga kapatid ni Charles sa aking likuran at sa paglingon ko ay nagmamadali na itong bumaba ng hagdan
