"Good morning, baby. Breakfast is ready..."
Pinanatili kong nakapikit ang mga mata ko kahit na kanina pa ako gising. Noong marinig ko lang ang mga yabag ni Qino tungo dito sa kwarto ay nagkunwari lang akong tulog.
At ngayon nga ay heto na siya. Binabati na ako ng magandang umaga.
"I'm just going to remove your hair that's covering face, baby." May himig ng pagpapaalam ang tinig nito. "Because you're the only one I want to see every morning."
Pinigilan ko ang pagguhit ng isang ngiti mula sa mga labi ko nang marahan niyang ilihis ang mga buhok na humaharang pisngi ko. Ginalingan ko rin ang pagkukunwaring tulog pa ako para hindi niya mahalata.
Ilang araw na ba siyang ganito? May isang linggo na rin yata? Hindi ko na alam. Pero ganito na siya madalas sa tuwing umaga. Hindi lang pala sa tu
