"Dad's asking..." napalingon ako kay Doreen na ngayon ay umuupo sa tabi ko dito sa may garden. "Nasaan na daw si Qino?" Curious nitong tanong habang nakatingin sa akin.
Nagkibit ako ng balikat. "Baka papunta na," tamad kong tugon saka itinuloy ang pag-twist ng pasta sa tinidor.
Naramdaman ko sa mukha ko ang saglit na pagtitig sa akin ng kapatid ko. Hinintay ko kung may sasabihin pa siya ngunit hindi na ito nagsalita kaya hinayaan ko na lang.
"Why don't you call him?" Ani Terrence. Sinipat ko siya nang tingin at nasalubong ang mapanuri niyang mga mata.
I wish I could say that I blocked his number on my phone. I even blocked him on my social media account.
"Darating din 'yon," pagtatapos ko sa usapan.
Kung pwede lang na huwag na siyang pumunta dito, mas okay pa. Pero mukhang imposible
