Hindi ako nakatulog nang maayos dahil sa mga nabasa ko. Binaha ako ng mga hindi magagandang senaryo sa utak ko ngunit hindi ko na inabala pa si Qino. Baka wala naman 'yon. Baka isa lang sa mga ka-trabaho niya na malapit sa kanya.
Hinintay kong lumiwanag bago bumangon. Tulog na tulog pa si Qino nang tingnan ko siya. Hindi ko rin binura ang mga texts na nabasa ko, at hindi ko rin in-exit doon para pag-check niya sa phone niya, ang mga 'yon ang bubungad sa kanya.
Nagtungo ako sa kusina para magtimpla ng kape. Hindi ko na inabala ang sarili ko para ipagluto pa siya ng almusal. Umupo ako sa harapan ng mesa habang napapa-isip sa kung sino iyong Kaye na 'yon. Did he seek comfort from others just because we were not on good terms?
Lumipas ang oras at lumamig na ang kape sa mug ay hindi ko pa ri
