Hindi ko mapigilan ang pagtatambol ng isang paa ko sa sahig habang malakas na kumakabog ang dibdib ko. Natatakot rin akong tumingin nang diretso sa tatay ko na nandito ngayon sa harapan namin. Hindi pa niya kami kinakausap ni Qino dahil ang mga magulang namin ang mga kausap niya ngayon.
Pagkatapos kong makapagpa-check up kahapon, at makumpirma na may fetus na nga sa loob ng womb ko, tinawagan na agad ni Qino ang tatay ko at sinabi sa kanya ang tungkol doon. Ni hindi man lang siya kinabahan dahil tuwang-tuwa pa siya na ibalita iyon.
Napatingin ako kay Qino nang ipatong niya ang kamay niya sa may tuhod ko. Napansin siguro niya na kinakabahan ako sa pamamagitan ng paggalaw ko sa tuhod ko. Inilapit pa nito ang bibig sa may tenga ko saka bumulong.
"Relax, alright? Pati ako, kinakabahan sa'yo
