Hilong-hilo na ibinagsak ni Louise ang sarili sa kama ni Blesserie nang madatnan niya ang anak na gumagawa ng assignment sa sarili nitong kwarto.
Kailan lang ay magkasama pa sila na natutulog sa iisang kama pero nang bumalik sila galing sa isla ay may bagong pintura ng kwarto ang anak niya.
Himala dahil nagustuhan nitong matulog mag-isa dahil sa pink na pintura ng dingding na may mga pintang Disney Princesses, may karwahe ni Cinderella, may seven dwarfs ni Snow White at kung ano-ano pa. Kaya lang obligado siyang humilata sa tabi nito para likutin ng anak ang s**o niya hanggang sa makatulog.
“Mamamatay ako… mamamatay ako…” Humihingal na nasapo niya ang ulo pero humagikhik si Blesserie.
“Mommy, you look so tired. Para kang bruha.” Puna nito sa kanya hababg tawa nang tawa at hawak ang oil
