Alyas Kanto Boy
Ai_Tenshi
Part 10
Nag patuloy ang aking pag babaliktanaw sa nakaraan habang naka upo sa batuhan at maiging pinag mamasdan ang tanawin sa buong siyudad. Halo halong emosyon ang aking naramdaman noong mga sandaling iyon, tila ba nag balik ang lahat ng kirot at sakit sa aking dibdib na paulit ulit kong sinusubukang takasan. "Ituloy mo tol, nakikinig ako." wika ni Raul habang niyayapos ang aking likuran kaya naman muli kong isinalaysay ang mga sumunod na kaganapan sa buhay namin ni Myron.
"Noong hapon din iyon ay bumuhos ang malakas na ulan kasabay ng kalungkutang aming nadarama. Pusong bato pa rin pala ang mga magulang ni Myron dahil itinakwil pa rin ito sa ika lawang pag kakataon. Muli nilang tiniis ang kanilang anak na makasama at mas pinahalagahan pa ang kanilang pag na
