Alyas Kanto Boy
Ai_Tenshi
Part 15
"Totoo ba yang sinabi mo? Baka naman pinag titripan mo lang din ako." ang tanong ni Raul habang nakanguso ito bagamat bakas naman sa kanyang mukha ang labis na tuwa.
"Mukha ba kong nag bibiro? Saka wala namang masama kung susubukan natin hindi ba? Malay natin, ikaw pala ang nakatakda para sa akin." biro ko naman ngunit sa loob loob ko ay tila nabigla rin ako sa aking nasabi. Parang napaka bilis ng lahat pero napag isip isip ko rin na kinakailangan na naming bigyan ng linaw kung ano nga ba kami sa isa't isa dahil pati ako ay naguguluhan na rin. Biruin mo ay nagagawa nya akong halikan ng paulit ulit sa labi pero wala naman kaming relasyon. Isa pa ay nakakaramdam din ako ng pag seselos kahit na batid kong wala naman akong karapatan dahil hindi ko siya pa
