Naglandas pa ang masaganang luha ni Kiara habang nakatitig sa imahe ng nakapakong si Jesus sa altar ng maliit na kapilya ng hospital. Blangko ang kanyang isipan, pero ang puso niya ay taos pusong humihingi ng kapatawaran. Nagsusumamo. Humihingi ng isa pang pagkakataon na hayaan siyang mabuhay ulit, na hayaan siyang makasama pa ng matagal ang lalaking kanyang pinakamamahal sana.
"Aaaaaahhhhhh!!!" mayamaya ay malakas na palahaw niya. Nararamdaman na niya ang unti-unti niyang paglalaho. Sobrang sakit. Para siyang nasusunog. Para siyang hinahati ng pinong-pino.
Pagkuwa'y napatingin siya sa kanyang mga palad. Nagliliwanag ang mga iyon habang parang abo iyon na unti-unting tinatangay ng hangin sa kung saan-saan. Nalulusaw na siya. Naglalaho na.
"Kiara!" sigaw ni Kevin. Umiiyak na rin ang bin
