Naalimpungatan si Kiara dahil nanlalamig siya. Iyon pala ay nakatutok na sa kanya ang electric fan na kanina'y umiikot sa kanila ni Kevin.
Aabutin niya sana ang kumot na pinahiram sa kanya ni Kevin nang mapansin niyang wala ang binata sa sahig na kinahihigaan nito. Siya kasi sa kama dahil nauna siyang humiga ro'n kanina. Nautakan na naman niya si Kevin.
Inilinga ni Kiara ang tingin sa buong silid pero wala talaga si Kevin. Bumangon na siya at lumabas. Wala rin sa loob ng bahay ang binata kaya lumabas siya ng bahay. At doon nga sa labas niya ito nakita. Nakatayo at tila kay lalim ng iniisip.
Lumapit siya at tumikhim. Luminga naman agad sa kanya ang binata at medyo nagtaka ito.
"Bakit lumabas ka pa?"
Niyakap niya ang sarili na tiningnan din ang kawalan. "Wala lang. Akala ko kasi kung na
