(ONIC)
"SAAN ka ba galing, Onic? Sabi mo sandali ka lang, bakit ang tagal mo naman?"
"Traffic kasi. Bakit, may nangyari ba? Nagalit ba si Mrs. Padernal?"
"Hindi naman. Pero nakatatlong balik na kasi siya rito sa kitchen, inaalam kung nandito ka na."
"Pasensiya na kung natagalan ako. Dadaan na lang din ako sa office ni Mrs. Padernal bago ako umuwi para makapagpaliwanag. Marami bang gagawin dito?"
"Wala na. Okay na lahat. Puntahan mo na lang si Madam at nang hindi na siya naghahanap sa'yo."
Sinunod ko ang payo ni Ate Ria. Pinuntahan ko ang school administrator sa opisina nito at ipinaliwanag ang pagkawala ko sa trabaho nang ilang oras.
"Pasensiya na talaga, Mrs. Padernal. H'wag n'yo sanang isipin na por que volunteer work lang ang ginagawa ko ay pinapabayaan ko na ang responsibilidad
