NAALIMPUNGATAN ako sa kalagitnaan ng gabi. Babalik sana ako sa pagtulog nang pumasok sa isip ko si David. Nakauwi na kaya ito?
Tuluyan akong nagising dahil doon. Tinignan ko ang oras sa cellphone ko. Pasado alas dose ng hatinggabi. Umakyat ako sa kwarto kanina nang mag-a-alas dies. Wala pa si David sa oras na iyon. Hindi ko alam kung nasaan na siya at kung magkasama pa rin sila ni Alexa. Nakatulog na lang ako sa paghihintay na dumating siya habang nag-iisip na may kasamang pag-aalala at pagdududa.
Bumangon ako pagkatapos ng ilang sandali. Inayos ko ang aking buhok. Hindi pa ako nakakapagpalit ng pantulog dahil wala pa naman talaga akong balak matulog kanina. Lumabas ako ng kwarto at tinungo ang pinto ng kwarto ni David para alamin kung nakauwi na ito. Akma akong kakatok nang maulinigan
