NAKATITIG ako sa screen ng cellphone ko. Tapos na ako sa ginagawa ko sa kitchen at naka-bonding ko na rin kahit paano si Jackson. I should feel fulfilled and happy, pero isang parte ko ang nalulumbay dahil hindi kami nagkita ni David kanina bago ako umalis. He left minutes before I woke up. Ni hindi raw nanghingi ng kape sabi ni Ate Libay. Wala siyang ibinilin na kahit ano maliban sa ang mga bodyguards daw ulit ang bahalang maghatid at magsundo sa akin galing school.
Hindi ko maitago ang lungkot. Second day ko as volunteer at dapat ay kuntento na ako sa nangyayari sa buhay ko, pero may hinahanap-hanap ang mga mata at puso ko.
Isang oras bago matapos ang duty ko nang mapansin ko na tila maraming tao sa receiving area. Galing ako sa labas at kasamang namili ng kitchen supplies at grocery
