NAPATAYO ako bigla sa kinauupuan nang marinig ang sinabi ni Miguel. Nilingon ko sandali sina Ate Libay at nakitang abala ang mga ito sa ginagawa kaya naman dumiretso na ako ng labas ng kusina.
"Anong sinabi mo, Miguel? Nagpunta ka sa office ni David kanina? Sinabi mo sa kaniya na alam mo ang tungkol sa kasunduan namin ni Tito Zaldy?"
"You heard me," kalmadong sagot mula sa kabilang linya.
Napaawang ang mga labi ko at ilang sandaling hindi nakaimik dahil hindi ako makapaniwala. Paano nagawa ni Miguel ito?
"M-Miguel... alam mo ba kung anong ginawa mo? Bakit mo kinausap si David?"
"Alam ko, Onic. May mali ako dahil pinangunahan kita. Pero ikaw lang ang iniisip ko kaya ko 'yon nagawa. I am worried about you. I had no choice, but to go straight to him. Sinabi ko na alam ko ang tungkol sa
