MAHABANG sandali na hindi nakasagot si David. I was expecting his anger. Inaantay kong manumbat siya, pero mas nakakakaba pala na hindi ko alam kung ano ngayon ang iniisip niya. H'wag naman sana niyang akalain na nagbibiro ako matapos kong ipunin ang lahat ng lakas ng loob para lang maipagtapat sa kaniya ang tungkol doon.
"Wala kang ginawa, David, pero sinabi ko kay Tito Zaldy na nagalaw mo ako," dagdag ko pa, determinadong aminin sa kaniya ang lahat ng kasalanan ko. "Nagbayad ka ng ten million para hindi ka niya kasuhan. Malinaw na pera lang talaga ang habol niya. Ginamit niya ako. Nagpagamit naman ako. Niloko kita, David. Patawarin mo sana ako."
Hindi siya sumagot. Dinukot niya ang cellphone sa bulsa at may tinawagan.
"Bert, can you move the meeting to a later time? I just need to do
