"NAAAWA ako kay Miss Onic."
Napahinto ako sa paghakbang nang marinig ang sinabi ni Ate Libay. Mag-a-alas nueve na iyon ng gabi. Hindi ako nakababa kanina para kumain ng hapunan pagkatapos kong magpaalam na magpapahinga dahil masakit ang ulo. Mukhang nagkatotoo ang dahilan ko. Hindi ko namalayan na nakatulog pala ako, at malamang na tinawag ako kanina nina Ate Libay para sa dinner, pero hindi ako nagising.
"Bakit naman? Ang ganda-ganda nga ng buhay niya! May gwapo at mayamang asawa," wika naman ni Ate Arlene.
"Hindi mo ba napapansin? Halatang may problema sa kanila ni Sir David."
"Ano namang problema? Parang okay naman kay Miss Onic ang set-up nila. Kita mo kahit magkabukod sila ng kwarto, parang hindi naman big deal kay Miss Onic."
"Iba kasi ang nakikita lang natin kesa totoong narara
