HUMINTO ako at naupo sa isa sa mga silya sa waiting area sa lobby ng ospital. Isinantabi ko sandali ang siyang dahilan kaya ako nandoon. Iniisip ko ang tungkol sa mga binitiwang salita ni Tito Zaldy. Bagaman wala na akong tiwala, mahirap balewalain ang mga sinabi nito.
I’m sure na ang agreement sa custody ni Jackson ang tinutukoy ni Tito Zaldy. Sa pagkakaalam ko ay makikipagkita ang abogado ni David para papirmahan iyon sa kaniya, pero wala pang sinabi si David kung natuloy na ba ang pirmahan. Halata na hindi iyon ikinatuwa ng tiyuhin ko. Ano pa bang habol niya kay Jackson? Hindi ba at pabor nga sa kaniya na aalisin sa kaniya ang responsibilidad sa kapatid ko? Hindi sila mahihirapan ng asawa niya na mag-alaga. H’wag niyang sabihing may balak na naman siyang gamitin si Jackson kaya mukhan
