"BAKIT hindi mo payagan si Onic sa gusto niyang gawin? Wala namang masama kung mag-volunteer siya sa school ni Jackson, at isa pa, alam mong simula't simula pa man, ang kapatid na niya ang dahilan kung bakit nandito siya sa Maynila."
"I can't trust her anymore. Pakiramdam ko, oras na payagan ko si Onic sa gusto niya, lolokohin na naman niya ako. Pakiramdam ko, may gagawin siyang hindi ko gusto."
"Eh, ano bang hindi mo gusto?"
Hindi ako agad nakasagot. Pinagmasdan ako ni Gremorie. Nagtaas siya ng mga kilay.
"Ano pa ba kundi 'yong ginawa nila sa akin ng tiyuhin niya? Pinagmukha nila akong uto-uto."
"Tapos na ang bahagi ni Onic sa mga plano ni Zaldy. Umamin siya sa kasalanan niya. Sa tingin mo magbabalak pa nang masama si Onic laban sa'yo? Anong panloloko pa ang gagawin niya kung napili
