NAIWAN akong mag-isa habang malaya kong pinagmasdan ang aking anak, at bahagya kong nilalaro ang mga daliri niya.
"Mahal na mahal ka ni Mommy…" sabi ko at hinalikan ang gamay niya.
May kumatok sa pinto at dahan-dahan itong bumukas. "Puwedeng pumasok?" paanas na sabi ng aking ina.
Hindi ako nagsalita dahil baka magising ang aking anak. kinawayan ko si Mommy at pinapalapit sa aking inupuan.
"Tulog pa rin?" tanong niya.
"Oo, Mom. Ang takaw niyang matulog parang ang kaniyang am—" Hindi ko natuloy ang aking sasabihin dahil si Yuwano ang tinutukoy ko. At buti na lang ay wala si Ale. Dahil sigurado na magdamdam ito.
"Nakita ko ang reaksyon ni Yuwano kanina habang karga niya ang anak ninyo. Wala ka ba talagang plano na sabihin sa kaniya ang totoo?"
"Wala, Mom. Para saan pa? Masaya na
