MAGMULA ng dumating sa buhay nila ang anak ni Charlie mabilis naka recover si MC.
Ang dating pighati sa puso niya ay unti-unting naglaho. Ngayon puro saya ang dulot ng mga ngiti nito.
Naging daan din ng pagkakasundo ni Charlie at Kyla ang pagdating ng bata. Sa tuwina nasa mansyon ang kapatid upang alalayan sila sa pag-aasikaso sa bata.
Hanggang sumapit ang araw ng kasal nila ni Charlie.
“Handa ka na ba maging pamilyadong tao?” tanong ni Cydi habang nakangiti kay Charlie.
“Oo naman, noon pa naman eh kaya lang nagkalayo kami. Ngayon ibubuhos ko na lang sa aking mag-ina ang lahat ng oras ko kapag wala ako sa trabaho.
“Maiba ako pinsan, parang tumaba ang asawa mo?”
“Ang lakas kumain, kinakain din niya ang mga pagkain na hindi nauubos ng anak namin.”
“Hummm, baka naman buntis ang asawa
