NANG makita ni MC ang anak ni Charlie ay agad niya itong kinuha sa yaya nito. Dinala sa ibabaw ng kama at kahit umiiyak ang bata ay sinikap nilang pakalmahin. Hindi rin naman nagtagal at huminto ito sa pag-iyak.
“Anong ipapangalan natin sa kanya?” tanong ni MC habang hinahaplos ang buhok ng bata.
“Ikaw na ang magbigay ng bagong name niya. Dahil pagkatapos ng kasal natin ay sabay kong ipaayos ang birth certificate niya.”
“Okay, mag-iisip ako ng magandang pangalan yung bagay sa kanya.” habang nakamasid si Charlie sa dalawa ay naluluha siya. Napakaswerte niya na si MC ang babaeng minahal at binigay sa kanya ng Diyos.
Nakikita niyang mapagmahal ito at aariin tunay na anak ang bata.
“Ang mabuti pa ay bumaba ka sa yaya niya. Tanungin mo kung nasaan ang mga gamit ng bata.”
“Wala pa siguro s
