NAPAPANSIN ni Charlie laging nakatingin sa kanya si MC at hindi niya gusto ang ganitong ginagawa ng kanyang PA.
Kapag hindi ito tumigil sa palihim na pagmamasid sa kanya ay tatanggaling niya ito sa trabaho. Ang hindi magandang hatid ng iniisip niya ay naka-pagpapahirap ng damdamin. Ang isipin na mawawala ito sa paningin at hindi na makakasama ay parang hindi yata niya kaya.
Hindi pwedeng mangyari na magkagusto siya sa PA niya. Walang sinumang babaen ang magmamahal sa isang tulad niyang pangit. Maaaring sa una meron magkagusto sa kanya dahil may pera at maayos naman ang mukha. Pero kapag nakita ang buong katawan siguradong pandidirihan at katatakutan siya.
Mas mabuti na una pa lang ay dumistansya na siya sa kanyang PA.
“MC, anong nais mong sabihin at lagi kang nakatingin sa akin? Hindi
