ALAS-SINGKO nang umaga ay nag-alarm na ako para mauna akong magising kay Timothy. Kagabi ko pa ito pinagplanuhan dahil gusto kong ako naman ang magluluto ng almusal namin. Simula nang maging mag-asawa kami ay siya na ang laging nagluluto ng almusal. Mabibilang lang sa mga daliri ko na ako ang nagluto. Pero ngayon, gagawin ko na ang parte ko bilang house wife.
Tinali ko ang buhok ko pagkatapos ay lumabas ako ng kuwarto. Bago ako nagluto ay naligo muna ako at nagto-toothbrush. Nagluto ako ng sinangang, nagprito ng itlog at bacon. Hindi ko rin nakalimutan mag toasted ng tinapay dahil paborito 'yon ni Timothy. Nang matapos akong magluto ay hinanda ko na ito sa lamesa.
"Ayan! ready na ang lahat."
Pumunta ako sa kuwarto para gisingin siya. "Sweetheart, wake up!"
"Hmmm… anong oras na ba?"
"
