"Kahit kailan talaga hindi ka nag-iisip," inis na sabi ni mommy, pagkatapos kong sabihin sa kanya ang nangyari sa amin ni Timothy.
Nang kunin ako ni Timothy sa probinsya ni Bryan ay tumuloy na kami sa bahay ng magulang ko. Gusto kong malaman nila ang nangyari sa akin.
"Mom, alam kong kasalanan ko na 'wag mo ng ulit-ulitin."
"Kung hindi ka lang buntis baka sinabunutan na kita."
Sumimangot ako. "Timong, inaaway ako ni mommy."
"Ang arte mo! Kung makapulupot ka sa asawa mo parang ayaw mo siyang mawala. Samantalang noon galit na galit ka sa kanya."
"Mom, noon 'yon hindi na ngayon."
"Basta kailangan bigyan n'yo kami ng maraming apo."
Niyakap ako ng mahigpit ni Timothy. "Mommy, huwag kayong mag-alala bibigyan namin kayo ng magandang lahi ni Ariane." Hinalikan pa niya ako sa labi.
Tuwang
