“Laura! 'Wag mo akong iwan!”
"Bayaw! Gising!"
"Ouch!" Bigla akong nagising ng tila may sumampal sa mukha ko. Nang tumingala ako ay nakita ko si Brix. Salubong ang tingin niya sa akin.
"Baka akala mo ako si Laura, muntik mo na akong halikan."
"Panaginip lang ang lahat." Nakahinga ako ng maluwag, nang mapagtanto kong nanaginip ako. Kinapa ko ang mukha ko. Basa pa ang pisngi ko at halatang umiyak ako.
"Alas-diyes na ng umaga. Hindi sana kita pupuntahan dito kaya lang narinig kong umiiyak ang kambal. Punong-puno ng ihi ang diaper nila at gutom na sila. Pinalitan ko na 'yan ng diaper at tinimplahan ko na rin sila ng gatas. Ano bang napanaginipan mo?"
"Napanaginipan ko si Laura." Bumangon ako para maligo.
"Kaya pala muntik mo na akong gahasain kanina. Mabuti na lang ay sinuntok kita kaya
