“Totoo na ba talaga ‘yan?” tanong ni Tetay.
Nasa harap kami ng hapagkainan at kumakain ng meryenda. Tulog pa si Angelita dahil napagod kanina sa activity na ginawa nila sa school.
Nag-slice ako ng cake bago nagsalita.
“Oo, magpapakasal na kami ni Marcus.”
“Kailan ang kasal n’yo?”
“Bukas.”
Nakita ko ang pagkagulat ni Tetay. “Seryoso? Bakit ang bilis naman?”
“Sa judge kami magpapakasal kaya mabilis lang.”
“Ayaw mo bang magpakasal sa simbahan?”
“Hmm.. actually, hindi na big deal sa akin kung simbahan ako ikakasal ang importante sa akin kung magtatagal kami.”
“’Yan ka na naman. Inisip mo na naman ang magulang mo.”
“Basta okay na sa akin ang civil wedding para hindi masyadong magastos.”
“Alam ba ng magulang mo na ikakasal ka na?”
Umiling ako. “Hindi ko sinabi na ikakasal kami, sina
