“DARATING daw si Sir Lucas sa susunod na linggo.”
Napahinto sa pagpasok sa kusina si Alex nang marinig ang sinabing iyon ng mayordoma na si Manang Lily. At sapat na iyon para kumabog na naman ang dibdib niya. So, totoo nga ang sinabi ng binata na dadalaw ito sa bahay ng kapatid sa oras na nakauwi na sila galing sa Tagaytay.
“Magtatagal po kaya siya rito, Manang Lily?” boses iyon ni Luningning.
Hindi niya alam kung bakit hindi niya magawang magpakita pa sa mga ito. Parang gusto pa niyang makarinig tungkol kay Lucas. Malakas ang kutob niya na may malalaman siyang importante.
“Hindi lang natin alam. Wala namang sinasabi pa si Sir James,” paliwanag naman ng mayordoma. “Basta ang sabi lang niya, linisin at ihanda raw natin ang silid ni Sir Lucas.”
“Bakit mo naman naitanong, ‘Ning? Balak m
