PAGDATING na pagdating nina Alex sa Taguig ay agad niyang tinawagan si Mrs. Guanzon gamit ang lumang cellphone niya. Hindi niya kasi kabisado ang number nito at hindi naman niya maitanong kay James dahil baka magtaka ito.
Sinamantala niya na naliligo si James. Kahit kasi nasa sariling silid na siya, baka bigla na lang itong pumasok o kaya ay tawagin siya.
“Bakit ngayon ka lang tumawag? Hindi ba’t sinabi ko sa’yo na i-update mo ako sa mga nangyayari sa inyo ni James sa Tagaytay?” galit na bungad agad sa kaniya ng ginang at iyon naman talaga ang inaasahan niya.
Huminga muna nang malalim ang dalaga para mag-relax. Wala siyang balak na patulan si Mrs. Guanzon dahil kasalanan niya naman talaga. “Sorry ho. Naiwanan ko kasi itong cellphone ko sa sasakyan at nadala ni Mang Jopoy pabalik dito sa
