“HINDI ko mapapalagpas ang ginawa ng babaeng iyan sa anak ko!” galit na galit na bulyaw ng ina ni Andrew kay Alex nang magharap sila sa guidance office matapos niya itong suntukin sa mukha kanina. Hindi naman niya akalain na ang hambog na tulad nito ay Mama’s boy naman pala. Agad nitong ipinatawag ang magulang para magsumbong.
At napag-alaman ni Alex na hindi lang pala basta may kaya ang pamilyang pinanggalingan ni Andrew. Isang multi-millionaire ang ama nito at kilala sa business world. Pag-aari ng mga ito ang isa sa mga leading brands ng relo, bag, at sapatos sa bansa. Pero mukhang mabait naman ang ama ni Andrew dahil pinagalitan pa nga nito ang anak matapos niyang ipaliwanag ang buong pangyayari. Si Lalang ang witness niya samantalang gumawa naman ng kasinungalingan ang mga alipores n
