“SIGURADO ka ba sa impormasyong iyan, Alex?” tanong uli ni Mrs. Guanzon sa naninigurong boses matapos sabihin ni Alex na baka posibleng nasa Iloilo si Charlotte ayon sa nalaman niya kay Lalang.
“Iyon ho ang sinabi sa akin ni Lalang,” sagot niya.
Pero hindi na niya sinabi na sa pagkakaalam ng best friend ni Charlotte ay si James ang kasama nitong nagtanan at hindi ang isang kaibigan. Dahil kahit siya man ay naguguluhan. Paano iyon nangyari kung kasama lang naman niya ngayon ang fiancé ng kakambal niya?
“Okay. Ngayon din ay magpapadala ng ako ng mga tao sa Iloilo para hanapin ang kapatid mo. Bibigyan kita ng update oras na may resulta na ang paghahanap namin sa kaniya.”
“Salamat po—” Pinutol na lang bigla ni Mrs. Guanzon ang tawag kaya napabuntong-hininga na lang si Alex.
Hindi na rin
