SANDALING hindi nakahuma si Alex sa mga narinig niya na inamin ni Lucas. Parang ayaw maniwala ng isip niya pero nararamdaman naman ng puso niya na pawang katotohanan ang lahat ng iyon.
“Pero kung gano’n na alam mo na pala kung sino ako noong una pa lang, bakit ang sungit-sungit mo sa’kin? Palagi kang galit sa’kin,” nakakunot ang noo na reklamo ng dalaga. “Bakit hindi mo na lang sinabi sa’kin na alam mo nang isa lang akong impostor. Pinagmukha mo akong tanga sa pagpapaniwala sa’kin na ikaw si James at nagawa ko ring paikutin.”
“Kasi alam ko na binayaran ka ng malaki ng mag-asawang Guanzon para lokohin ang kapatid ko. Akala ko talaga mukha kang pera.” Masuyo nitong sinuklay ang buhok niya gamit ang mga daliri. “Tapos nalaman ko rin na patay na patay ka sa kapatid ko. Sobra akong nagseselos
