PINANIWALAAN ni Alex ang sinabi sa kaniya ng bata. Tinungo nga niya ang dalampasigan para ipagtanong-tanong sa mga nagbabantay doon kung nakita ba talaga ng mga ito si Lucas na sumakay ng floating cottage.
Ngunit bago pa man siya makapagtanong ay natanaw na niya ang binata mula sa di-kalayuan na may kausap na babae. Medyo madilim sa kinaroroonan ng mga ito pero naaninag niya na matangkad at sexy ito. Tugmang-tugma sa sinasabi ng bata kanina. Dahil maliwanag naman sa kinatatayuan ni Alex kaya sigurado na nakita siya ni Lucas nang lumingon ito sa gawi niya. Lalo pa at hindi naman ganoon kalayo nag distansiya nila.
Pero hindi man lang siya nito pinansin. Sinulyapan lang siya sandali at muling kinausap ang babaeng kasama. Parang may itinuro pa si Lucas. Tapos nag-usap uli ang dalawa. Hangga
