“MASAYA kami na sa wakas ay nakilala na namin ang babaeng matagal nang gustong-gusto makita ng anak namin, hija.” Bakas ang tunay na tuwa at sinseridad sa mukha ng ina ni Lucas na si Tita Joanna habang nagsasalo-salo na sila hapunan.
Hanggang ngayon ay hindi pa rin makapaniwala si Alex na sa isang iglap lang ay totoong fiancée na siya ni Lucas at engaged na nga silang dalawa. At bukas na bukas din ay nakatakda ang kanilang kasal. Pero ang mas nakakalula pa, hindi isang simpleng kasalan lang ang magaganap kundi engrande pa.
Wala siyang kaalam-alam na ang pagdala pala sa kaniya ni Lucas sa Hacienda Ramona ay parang pamamanhikan na rin. Ang ipinagkaiba nga lang, ang pamilya ni Alex ang dinala ng mga ito sa lugar na iyon.
Kaya walang pagsidlan ng tuwa ang puso niya sa mga oras na iyon dahi
