NANG sumunod na araw nga ay umalis na sa Isla Paraiso sina Alex at Lucas. Sinundo na sila ng private chopper na pag-aari nito papuntang Hacienda Ramona. Ewan ba niya kung bakit ang bilis niyang napapayag na doon muna sila dumiretso kaysa ang umuwi sa Siargao at maipakilala ito sa mga magulang niya.
Siguro dahil batid niya sa kaniyang puso na mahal na mahal niya si Lucas at buo ang tiwala niya rito.
Ngunit bago sila umalis sa islang iyon ay maayos na nagpaalam muna si Alex sa mga taong naging malapit sa kaniya sa lugar na iyon. Lalo na kay Kapitan Franco at sa mga namumuno roon. Marami ang nalungkot sa biglaang pag-alis niya. Mami-miss daw siya ng mga ito. At kahit hindi man sila nagkaroon ng pagkakataon ni Kapitan Franco na makapag-usap nang sila lang dahil bantay-sarado siya ni Lucas,
