Kumaway habang nakangiti si Ace sa kanyang mahal na asawa ng bumaba na ito sa entablado. Gumanti naman ito ng ngiti sa kanya at kumaway din. Nakita naman niyang napalingon ang pamilya ni Sailor sa kanya. Mababanaag ang pagkadisgusto ng mga ito pagkakita sa kanya. Lumapit ito sa pamilya nito at hinalikan ang mga anak tsaka lumapit sa kanya. Akmang pipigilan pa ito ng kuya nito ngunit may sinabi dito si Sailor at pagkuwa'y nilapitan na siya.
"Hi, nainip ka ba? May dalawa pang kasunod ko kaya mamaya pa ang announcement ng mananalo. Lika muna sa labas, don kita babayaran ayokong magkaron ng atraso kahit kanino eh," wika nito.
Napangiti siya, hindi pa rin talaga ito nagbabago. Kahit noon kasi ganito ang ugali nito. Ayaw na ayaw nitong magkakaron ng atraso kahit kanino lalo na kong tungkol s
