Mabining haplos sa kanyang buhok ang nagpagising kay Sailor. Pagmulat niya ng mata, nakita niya si Ace na mataman nakatitig sa kanya. Malayo naman ito kaya baka nananaginip lamang siya may humaplos sa kanyang buhok.
"Dito kana natulog?" wika nito.
"O-Oo medyo, masama kasi ang pakiramdam ko kagabi," wika na lamang niya. Hindi niya alam kong hindi ba talaga nito alam ang mga sinabi at ginawa nito kagabi o alam nito at baka nagmamaang-maangan lang.
"Ngayon ka na lang ulit natulog dito, pwede namang don ka nalang sakin tumabi kagabi," wika muli nito.
"Amoy alak ka kasi kagabi kaya medyo nahihilo ako," seryosong wika niya.
"Ahh sorry don, nagkayayaan lang kasi kami ng mga tropa ko sa racing," paliwanag nito.
"Kelan ka pa ulit nagsimulang sumama sa mga yon?" tanong niya dito.
"Ahh,
