CHAPTER 13:
HABANG SARAP NA SARAP KAMI SA lasa ng ramyeon, si Andrew naman ay halos masuka na dahil sa anghang.
"Ang sarap ng ramen dito, 'no? The best talaga kahit kailan!" bulalas ni Jessy matapos humigop ng sabaw.
Halos maubos na namin ang isang malaking bowl ng ramen pero si Andrew ay nasa umpisa pa lang. Nasa umpisa pa lang pero hanggang parang naaanghangan na talaga siya.
"Maanghang ba, Andrew?" tila nang-aasar na tanong ni Kristian.
Napalingon din si Jessy kay Andrew. Si Andrew naman ay tiningnan kami isa-isa. Pulang-pula ang mukha niya at halos tumulo na ang laway dahil sa sobrang anghang ng ramen.
"H-hindi ah! Hindi naman masyadong maanghang!" depensa ni Andrew.
Muli siyang humigop ng sabaw at diretsong hinigop ang noodles. Tumaas ang kilay ko dahil sa itsura niya matapos
