CHAPTER 37:
"MOMMY! HINDI KAMI AT MATAGAL NANG WALANG KAMI! Nagkataon lang talaga na kasama ako sa event manager ng event nila. Nothing more and nothing less, don't give meaning to it!" inis na sagot ko kay mommy.
Tinaasan niya ako ng kilay sabay kurot sa tagiliran ko. "Aray!" tili ko.
"Huwag mo akong taasan ng boses ha! Nagtanong lang ako," mataray na sagot niya.
Ngumuso ako at hindi na lang sumagot. Doon ay ibinaling ni mommy ang tingin niya kay Andrew. Mula sa pagiging tigress na tingin niya sa akin, naging maamong tupa siya pagdating kay Andrew.
My life is so unfair!
"Ang problema lang, wala kaming guest room dito sa bahay dahil tatlo lang ang kwarto. Kung okay lang sa 'yo, dito na lang muna sa sala si Ballari tapos ikaw na muna sa kwarto niya," ani mommy.
"Mommy!" reklamo ko.
