KINABUKASAN, maagang gumayak ang grupo ng Black Heroes para sa kanilang questing na gagawin. Alas-tres pa lamang iyon ng umaga at talagang handang-handa na sila. Nitong nagdaang gabi lamang ay agad na nilang inihanda lahat ng items na kakailanganin nila sa kanilang paglalakbay. Handa na ang lahat ng mga weapons at healing items para sa pag-akyat nila sa Ayer's Wall. Matapos nga ang isang munting pag-uusap ay lumabas na sila mula sa Inn na kanilang tinigilan.
Muling nagsuot ang mga ito ng coat sa kanilang paglabas. Ito ay upang itago ang kanilang identity mula sa ibang players na naglalagi sa lugar. Marami pa rin kasing mga players ang nakatigil sa dito, lalo na sa Healing Plaza. Nagliliwanag pa rin sa ilaw ang buong village. Alerto silang naglakad palabas ng lugar. Hindi sila sigurado, pe
