NAKAHIGA siya sa isang puting kama. Nakatanaw siya sa malayo mula sa bintana ng kanyang silid sa ospital. Gaano na nga ba katagal? Ilang buwan na rin.
Ilang buwan na nang magsimula ang kanyang chemotheraphy. Ilang buwan na nang matuklasan nila na nasa stage 4 na ang kanyang Bone Cancer. Bakit hindi niya kaagad ito nalaman? Bakit hindi niya kaagad ito naramdaman?
Ilan lang ito sa tanong ni Jake sa sarili. Isang bente-kuwatro anyos na binata.
Nakatingin siya sa salamin. Payat na siya. Wala na rin siyang buhok sa ulo. Ibang-iba mula sa dati niyang itsura. Ibang-iba sa dati niyang mukha.
"Kung hindi eepekto ang chemo niya... Isa o dalawang taon na lamang ang itatagal niya." Ito ang sinabi ng doktor sa kanila.
Kitang-kita niya kung paano umiyak ang kanyang mama sa dibdib ng kanyang papa na
