NIYAKAP kaagad ni Yuri si Kaji. Humahagulhol ito sa pag-iyak. Nakatingin sa kanya ang mga kasamahan niya.
"K-kuya... K-kaji..." sabi ni Yuri habang nakayakap sa kanya.
Napahawak sa buhok ni Yuri si Kaji. Napangiti siya at tumingin sa mga kasamahan.
"Patawarin ninyo ako..."
"Hindi na iyon mauulit..." Ngumiti ang kalbong player at pinatahan si Yuri. Pagkatapos noon ay naglakad na sila papunta sa kwebang kanilang papasukin. Ang loob ng Ayers Wall.
Tumambad sa harapan nila ang isang medyo may kalakihang pasukan. Bago nila pasukin iyon, napansin din nilang may hagdan pang muli na paakyat sa gilid ng Ayers. Kung dito pa sila daraan ay baka maubos na ng tuluyan ang mga regeneration items nila. Marami na kasi silang naubos na items lalo pa't walang tigil ang pakikipaglaban nila sa mga AIs. An
