ISANG babaeng player ang nakatingin kay Prinsesa Hanna. Kilala niya ito, hindi siya maaaring magkamali. Ang suot nitong itim na may kaunting pulang armour. Ang espadang tila talulot ng bulaklak ang talim. Ang itim na may halong pulang buhok nito na nakapusod gamit ang isang pamuyod na hugis bulaklak. Ang medyo singkit na mata ng player na ito. At ang kakaibang ngiti...
"H-hanabi!" Ito ang nasabi ng prinsesa.
Paano nga ba niya nakilala si Hanabi? Isang player para sa kanya. Isang kaibigan... na tanging sa panaginip lang niya nakikita.
"Kumusta ka na Hanna?" Tanong ni Hanabi na saglit na umupo sa damuhan, sa malapit sa prinsesa.
Sandaling napangiti ang prinsesa. Umupo rin ito.
"Nakalabas na ako mula sa palasyo..."
"Nakakatuwang malaman! Kung ganoon, magkikita na tayo?"
"Oo, pupunta ak
