"NIGITO Kuzuna Level 60 vs. Zac Humpries Level 64!"
Naalarma si Nigito nang gumamit kaagad si Zac Humpries ng isang malakas na weapon skill laban sa kanya. 'Di ito tulad noong una nilang paghaharap, ang player na kaharap niya ngayon ay desperado siyang matalo. Nararamdaman niya na hindi na siya minamaliit nito ngayon. Siya, si Nigito Kuzuna ay ang player na dati nang tumalo sa player na ito. Kasama ng Revival Stone, nakuha rin ng black swordman mula rito ang pagiging rank 12 sa Heroes Rankings. At sa muli nilang paghaharap, dito na masusubukan muli ang lakas nilang dalawa bilang mga players.
"Ang bilis!" bulalas ni Nigito habang nakatingala at tinitingnan ang papalapit ng si Zac, kasama ang isang aura ng dragon, mula sa itaas.
Mabilis namang inilipat ni Nigito ang isa niyang espada papu
