KASALUKUYANG nakatayo sa itaas ng execution platform ang Black Swordman na si Nigito. Matapos ang ginawa niyang paghamon sa captain ng Shadow Guild ay wala siyang natanggap na sagot. Napatingin siya sa apat na players na binihag ng guild na iyon. Nakatali ang mga kamay nito at nakadapang walang malay. Nasa critical level ang HP ng mga iyon. Tatagpasin na niya sana ang tali gamit ang kanyang espada nang biglang may mga pulang tuldok ang lumitaw sa buo niyang katawan. Nilingon niya ang mga malalayo at matataas na kabahayan sa palibot ng plaza. Naroon ang mga snipers at inaasinta na siya. Napapaligiran din sila ng nasa isandaang players nang mga oras na iyon.
"Wala na kayong takas... Black Assassins..." nakangising sinabi ng isa sa apat na vice-captains ng Shadows na nasa ibaba ng execution
