SA APAT na region ng Ichi Island, mayroong apat na madaraanan ang mga players para maakyat ang Ayers Wall. Sa bawat region ay may isang area kung saan makikita sa paanan ng mataas na pader ang isang hagdanang pataas na yari sa bato. May pananggang-hawakan din ito sa tabi na nagsisilbing kakapitan ng mga mangangakyat. Ang lahat ng hagdanang paitaas ay may tatlong madaraanang entrance para mapasok ang loob ng Ayers. Ang pinasukan ng grupo nina Nigito ay ang nasa pinakamababang parte. Sa pagpasok dito ay may tatlong daanan na makikita ang mga players. Ang paitaas, paibaba at ang diretso.
Ang daanang pataas ang pinili nina Nigito at kasalukuyan nilang nilalakad ito nang halos isang araw na. Hindi rin nila matagpuan ang dulo nito o kung ano ang mararating nila rito.
Ang daanang iyon ay isang
