NANG mawala ang usok mula sa bunganga ng isa sa mga nasa gilid ng napakataas na Ayers Wall ay umihip ang malakas na hangin patungo sa loob nito. Ang nasa sampung players na nakasuot ng itim na talukbong ay napapaligiran na ng Black Heroes na pinamumunuan ni Nigito Kuzuna.
"Sino kayo at ano ang binabalak ninyo?" seryosong tanong ng Black Swordman sa player na nasa gitna. Nakatutok din dito ang kanyang Black Sword.
Ngunit imbis na matakot ay ngumisi pa ito. Pagkatapos niyon ay biglang sumabog ang katawan ng pito at naging usok sa kanilang harapan. Napayid iyon ng hangin at wala na silang nakita pang iba matapos iyon.
"Mga clones! Kaya pala hindi ko sila masagap gamit ang Sensing ko," sabi ni Kinji na seryosong pinagmasdan pa ang paligid sa pag-asang may makikita o masasagap pa siyang kala
