NAGMAMADALING naglalakad si Naka patungo sa kanyang condominium nang isang hindi inaasahang pangyayari ang naganap. Sa kanyang pagmamadaling pumasok sa elevator ng building ay hindi niya napansing may nabunggo siyang sasakay rin dito. Doon ay naglaglagan ang mga dala niyang papel at plano ng ginagawa niyang mapa ng virtual world ng kanyang binubuong game. Nagsilaglagan din sa sahig ang dalang mga folder at files ng nakabunggo niya.
Tila walang nangyari para kay Naka. Mabilis niyang dinampot ang kanyang mga gamit at pumasok sa loob ng elevator. Tumingin siya sa kawalan matapos pindutin ang numero 36 sa dingding. Sumara ang pinto ng elevator ngunit biglang may kamay na humarang sa pagsarado nito.
"Mister!"
Nagngangalit ang tingin ng pumasok na dalagang nakasuot ng longsleeves at palda. Ka
