Masayang masaya ako. Iyon yung nararamdaman ko habang nasa byahe kami ni Sir Jared. Para akong nakalutang sa alapaap. Sobrang sarap sa pakiramdam, nag-uumapaw 'yong pagmamahal ko sa kanya.
Ang dami dami kong magagandang naiisip para sa'ming dalwa at hindi na ako makapaghintay na gawin ang lahat ng 'yon.
Pero hindi rin mawala sa isip ko si Irven. Nag-aalala ako sa magiging reaksyon niya pero kagaya ng sinabi ko, maiintindihan niya ako. Basta't maging honest lang ako.
Sabihin ko lang ang totoo.
Pero hindi pala gano'n kasimple, lalo na noong nakaharap ko na siya. Hindi ko alam kung paano sisimulan.
Mahal ako ni Irven. Alam ko 'yon. Ipinakita at ipinaramdam niya 'yon sa ilang taong na nakasama ko siya. Hindi niya ako iniwan, nanatili siya tabi ko.
Hindi ko makakalimutan ang mga mata niya
