NAGULAT man ay kaagad na nagbawi si Aubrey at imbes na pabulaanan ang sinabi ni Callix ay tumangu-tango pa nga siya.
“Yeah, right. He’s Renz. My boyfriend.”
Nabakas sa mga mata nito ang guhit ng lungkot at kabiguan sa kanyang pagkumpirma. Umasa pa naman itong kahit papaano’y itatanggi niya at sasabihing hindi niya boyfriend ang lalaking ‘yon.
“I… I didn’t expect it… Hindi mo kasi kaagad sinabi sa akin…” anito pa habang nakaiwas sa kanya at pilit na ikinubli ang labis na lungkot na nadarama.
Blangkong tinitigan nga lamang niya ang kausap, like why would she? Hindi ba’t business and work naman ang ipinunta niya rito, bakit tila kailangan nitong mang-usisa pa sa personal life niya? Ano bang pakialam nito?
Nagbawi naman kaagad ito, pinilit na ngumiti kahit sa loob-loob ay nadudurog na, at
